TIP & TRICKS for better singing eSnips Folder

Sureele doston ...

jab kisi bhi software (Audio) mein ya to settings theek se nahin karte , ya phir bahut se plugins load kar lete hain , ya kai plugins ya effects apply karte hain ( voice track par , to latency aati hi hai, agar is tarah se latency ( voice aur track ka aage peechhe hona) aa rahi ho to aap sabse pahle karaoke track ko delete kar ke sirf voice ko effects apply kar dein, aur sirf voice ko save kar lein, phir effects dali hui voice ko us karaoke track ke saath mix karen, aasan hoga...

Aur ek baat jyada effects dalne se awaz ki originality khatam ho jaati hai.. aawaz mein masale mat dalo... aawaz ko hi buland karne ki koshish karo.. agar eq karne se aur effects daalne se hi aawaz achhi hoti to main bhi singer ban jata ,haa haa haa,

aawaz ka throw itna hona chahiye ke kum sekum 10 log bina mic ke aap ko sun saken, aap low notes gaa rahen hon ya high notes , aapki aawaz ka volume oopar neeche nahin hona chahiye, ye sab se zaroori hai. gaane mein jo chhoti chhoti harkatein hoti hain unka volume bhi poore gane ki volume jitna hi hona chahiye. aksar gate waqt low notes mein voice ka volume kam ho jata hai aur high notes mein jyada, ye galat hai.

aksar log jab gaate hain to gane ke pahle words ko bahut loud gate hain phir dheere dheere voice ka volume down hone lagta hai, phir doosari line ka pahla word laud gaate hain.. (iss tarah aapko gana sun kar sun ne wale jaag jayenge)

Hamesha sureeele raho.

Added 10 days ago

piyushda writes:

Arvindji

aap ki nasihaten ko theek tarah se dhyaan me rakhkar maine kuch recordings kee hai. Agar aap ko waqt mile to sun ke kuch tippani de sake to bahut behtar hoga aur main kaha kaha meri gayaki sudhar saku aesa aap se jaanne ki umeed rakhta hoon...Aap ka dost
Piyush
www.esnips.com/web/kishorechampi
www.esnips.com/web/piyushda-live

Added 28 days ago

Arvind writes:

Sureele doston !!!!! ( han han saheliyon bhi . warna meri khair nahin )

jab hum apni voice mein kuchh effects add karte hain to seedhe preset utha kar apply na karen, thoda settings ko badal badal kar dekhen , jaise reverb dena hai to voice aisi na lage ke kuen mein se aa rahi hai, ya phi kise bade hall mein se aa rahi hai, reverb aur delay jab use karen to itna hi use kare jaise DAAL mein NAMAK, aisa na lage ke koi stage show record kiya hai.

effect use karne ka bhi ek tareeka hota hai ,

1...... delay ( halka sa)

2..... reverb ( halka sa)

3...... Compressor jaroorat ke hisab se.

4....... EQ... jismein 250Hz ke left side mein sab reduce kar dein..

kya effect dena hai ye pakad kar na baithen, experiments karte rahen....

isi tarah se aur isi number mein effects ko use karte hain voice ke liye,

recording mein karaoke track mein jo bhi lead instrument baja hai utna hi volume apni voice ka rakhen..

mic mein muh ghusa ke kabhi na gayen voice bewajah moti ho jayegi, jada door se bhi na gayen warna voice patali ho jayegi, ye baat hamesha dhayan mein rakhen , jiski jaisi voice wo ye padhkar apne mic ko adjust kare...

chalo bhai aaj to nahana hi padega.....phir milenge....

Added 39 days ago

Pathik Desai writes:

"to har gane ko bar bar suniye, pahle sirf gane ki wording suniye, phir gaane ke kya feel hai suniye, phir gaane ki music dhayan se suniye, phir poora gana suniye , ek ek word ko rewind kar ke phir se suniye, jab tak aap waise hi nahin ga lete , ab is se jyada to koi guru bhi nahin kar sakta"

well said sir!..n will definitely follow ur tips.. Wink

Added 46 days ago

Arvind writes:

Khoobsoorat doston...

Jab hum gaana gane ke liye SOCHTE hain, sab se pahle sharm sankoch ko chhod dena hoga ke koi kya kahega ? main agar galat gaya ? gayi to log hansenge , humari to beijjati ho jayegi, are bhai paida hote hi kya sab kuchh karne lage the kya ? galat salat karke hi to seekha na ?
to jab jage tabhi savera, khul ke gana suru karo, kisi ke bare mein mat socho ke mujh se lakh gun achhe gane walo ke samne main kya gaun ? shuruvat to karo , agar junoon sahi hai aur hum kaam ke peechhe kutte ki tarah lag jayen to kaisa bhi kaam ho seekh hi lenge, daro nahin, sharmao nahin bas kood pado ( are yahan nahin, ye to ek misal di thi, aap to koodne hi lage)
bas ek baat ka khayal rahiye ke apni awaaz ko daba kar ya kuchh alag tarah ki bana kar kabhi na gayen warna apni pehchan kho denge...

hamesha sureele raho...

Added 46 days ago

Browse: 1 2 3 4 5 6 7 ... 20 21 Next »

Things you can do

Bookmark this Folder

Create a Widget

RSS

Add to Favorites

Report Abuse

Related folders

	Sing Along Hindi By reachgyarry
	HINDI KARAOKE TRACKS By azamfaiz
	My Karaokes - Hindi By Amaani
	GOLDEN VOICE DVD KARAOKE HIN... By SHHON
	Hindi Karaokes 4 you By Fazil